Xhensila Myrtezaj ishte e ftuar së fundmi në “Jo vetëm modë”, ku ka rrëfyer detaje nga jeta e saj personale dhe profesionale. Ajo tha se edhe pse ka disa ditë që qarkullojnë lajme online, në të vërtetë nuk është shtatzënë, por megjithatë çifti e ka në plan ta zgjerojë familjen.
“Falë Zotit, mëmësia më ka ardhur shumë shpejt dhe kështu që kam gjithë kohën e duhur për të pasur një fëmijë të dytë dhe pse jo një të tretë. Plani është aq, trinia. Trinia me dy goca dhe një çun”, thotë këngëtarja.
Xhensila ka treguar se është paragjykuar shumë në momentin kur është mësuar se do të bëhej nënë.
“Unë isha në pikën më të fortë të karrierës, gjë që për mua nuk u bë fare pengesë. Në momentin që kam lindur Ajkën, kam qenë me objektiva të qarta. Kur kam qenë shtatzënë kam punuar deri në muajin e 7-të me koncerte. Në muajin e 7-të kam xhiruar klipin “Çika-Çika” që pati një jehonë të madhe dhe m’u desh që të bëja dhe koncerte në atë kohë”, vazhdoi më tej.
Mesa duket Xhensila dhe Besi i kanë qëllimet e qarta, por për realizimin e tyre ende nuk ka një kohë të përcaktuar.
