Është identifikuar 35-vjeçari i cili u gjet i vrarë mbrëmjen e sotme në Kodër Kamëz. Bëhet fjalë për Can Karriçin, lindur në Dibër dhe banues në Kamëz.
Një orë pas vrasjes, një makinë është gjetur e djegur në zonën e Institutit e cila dyshohet se është e autorëve. Kariçi, i riu që iu bë atentat mbrëmjen e sotme në Kodër Kamëz nuk është një emër i panjohur për policinë e Shtetit.
Më 26 shkurt të këtij viti i riu u arrestua në kuadër të një aksioni të ushtruar nga Forcat Speciale Renea, Forca e Posaçme Operacionale në Drejtorinë e Përgjithshme të Policisë së Shtetit, DVP Lezhë dhe Komisariati i Policisë Kurbin, Kariçi u arrestua i riu të cilit iu gjet arsenal armësh.
Raportohet se vrasja e 35-vjeçarit ka dyshime të ketë lidhje me atentatin ndaj dy të rinjve në Astir më 13 nëntor.
Sipas grupit të hetuesve, kjo lidhje bëhet për shkak të njohjes që i riu kishte pasur me dy viktimat, Eriges Mihasin dhe Armand Dumani, të cilët u vranë me breshëri armësh nga një automjet në lëvizje në zonën e Astirit.
