Një 27-vjeçar ka humbur jetën ditën e sotme në Cërrik për shkak se i ka shpërthyer në dorë një sasi lënde plasëse. Ngjarja u regjistrua rreth orës 12:30 në kryqëzimin e Fermës, ndërsa ende nuk bëhet me dije identiteti i viktimës.
Po ashtu nuk ka informacion as për rrethanat e kësaj ngjarje, teksa detaje pritet të mësohen në minutat në vijim.
“Më datë 30.12.2021, rreth orës 12:15, në aksin rrugor Elbasan-Belsh, në vendin e quajtur “Kryqëzimi i lagjes nr. 3”, Cërrik, në rrugë, dyshohet se aksidentalisht, shtetasit E. R., 27 vjeç, banues në Cërrik, i ka shpërthyer një sasi lëndë plasëse në dorë dhe për pasojë ka humbur jetën. Në vendngjarje ka mbërritur grupi hetimor dhe nën drejtimin e Prokurorisë po vijon puna për sqarimin e rrethanave të ngjarjes”, njofton Policia.
