Detaje të reja kanë dalë nga ngjarja e rëndë që tronditi kryeqytetin pak minuta më parë ku 1 persona ka mbetur i vrarë dhe 3 të tjerë të plagosur.
Sipas Balkanweb, ngjarja ka ndodhur në një lokal në kompleksion “Fiori Di Bosko” në lagjen Don Bosko në kryeqytet. Mësohet se ka pasur një konflikt mes dy grupesh të rinjsh të cilët pas përdorimit të armëve, kthyen ngjarjen me përmasa tragjike.
Mësohet gjithashtu se viktima ka humbur jetën në spital teksa pas plagosjes ka pasur shenja jete.
“Në bllokun e banimit Fiori Di Bosko ka ndodhur një konflikt në një lokal ku 2 grupe të rinjsh janë përfshirë në konflikt. Viktima ka humbur jetën në spital ku është dërguar i plagosur. Ndërkohë kanë mbetur të plagosur rëndë edhe 3 të tjerë. Në lokal ka patur edhe persona të tjerë që janë tmerruar nga ngjarja. Policia ka ngritur pika kontrolli në pikat lidhëse ke Durrësin dhe Krujën. Tani po pyten dëshmitarët. Tani po nxirren edhe pamjet e kamerave të sigurisë”- tha gazetarja Dorjana Bezat.
