Të paktën 21 persona kanë humbur jetën për shkak të stuhisë së borës që ka përfshirë Pakistanin. Dhjetëra mijëra vizitorë kanë mbetur të bllokuar në një qytet malor në të cilin bora ka pasur një intensitet të lartë.
Mediat e huaja shkruajnë se mes viktimave janë një oficer policisë, bashkëshortja dhe 6 fëmijët e tyre, të cilët janë gjetur të vdekur në makinë.
Ministri i Brendshëm Sheikh Rahid Ahmed, njoftoi se ushtria është mobilizuar për të pastruar rrugët dhe për të ndihmuar njerëzit që kanë mbetur të bllokuar.
Një prej turistëve është shprehur se gjendja është e vështirë dhe se njerëzit atje po përballen me një situatë të tmerrshme.
