Një eurodeputet i ekstremit të djathtë nga partia Alternativa për Gjermaninë (AfD) fyeu dhe shprehu kënaqësi për vdekjen e David Sassoli.
Presidenti i Parlamentit Evropian Sassoli vdiq të martën në moshën 65-vjeçare, duke shkaktuar një valë reagimesh keqardhje nga eurodeputetët dhe liderët evropianë. Por AfD-ja mori një qëndrim tjetër, të paktën privatisht.
‘Më në fund, ai derr i ndyrë ka vdekur’, shkroi Nicolaus Fest, një eurodeputet i AfD, në një bisedë me anëtarët e tjerë të fraksionit të tij. “Një antidemokrat, një turp për çdo ide parlamentare.”
Pasi komentet e tij u bënë publike, Fest postoi në Facebook në përpjekje për të justifikuar fjalët e tij – por jo për të kërkuar falje. Fotografia e pikturuar e Sassolit në deklarata dhe nekrologji ishte “e paplotë”, pohoi Fest. Ai shtoi se ishte “për të ardhur keq” që mesazhet ishin zbuluar.
Lideri i partisë, Jorg Meuten, u distancua nga deklaratat e Fest. Ai u shpreh se fjalë të tilla për një koleg i cili sapo është ndarë nga jeta janë të neveritshme dhe të pafalshme.
