Shqiptarët vijojnë t’i keqtrajtojnë kafshët dhe të tregohen të pakujdesshëm me to, edhe pse shpesh herë janë kryqëzuar për këtë gjë.
Pamjet e mëposhtme janë siguruar nga aksi Sarandë-Delvinë, ku siç shihet qytetari ka lidhur mushkën në pjesën e pasme të makinës dhe e tërheq atë.
Edhe pse shpejtësia e makinës nuk është e madhe, ai vë në rrezik kafshën si dhe udhëtarët e tjerë me automjete, pasi mund të bëhet burim aksidenti.
Më pas ai ndalon për t’i hapur rrugën automjetit që po vinte nga pas, por nëse drejtuesit e mjetit nuk tregohen të kujdesshëm, situata të tilla janë tepër të rrezikshme.
