Greqia është përfshirë nga moti i acartë, temperatura të ulta dhe reshje intensive dëbore, të cilat kanë goditur disa zona. Emergjencat civile dhe forcat policore dhe ushtria kanë zbritur në terren për të qenë në gatishmëri të qytetarëve, të cilët janë të bllokuar nëpër shtëpitë e tyre.
Ndërkohë autostrada në Attiki Odos prej ditës së djeshme vijon të jetë e bllokuar nga dëbora. Në pamjet e publikuara nga mediat greke, shihet një polic që mban mbi shpinë një vajzë të vogël, e cila ishte e bllokuar në Attiki Odos.
Policët gjetën të ngujuar në automjetin e tyre babain dhe vajzën e tij të vogël, teksa përpiqeshin për të mbijetuar nga i ftohti “polar”. Ekipet e shpëtimit larguan babain nga aty, ndërsa vogëlushen e dërgua në spital për të marrë ndihmë mjekësore.
