Ministria e Jashtme e Japonisë ka paralajmëruar qytetarët e saj në Ukrainë që të largohen nga vendi për shkak të tensioneve në rritje mes Rusisë dhe Ukrainës, transmeton Anadolu Agency (AA).
“Ekziston një mundësi në rritje që situata të përkeqësohet me shpejtësi”, tha ministria në një deklaratë.
Në deklaratë, ku thuhet se alarmi i udhëtimit për Ukrainën është ngritur në nivelin më të lartë, qytetarët japonezë janë këshilluar që të largohen menjëherë nga vendi dhe të shmangin udhëtimin në këtë vend “pavarësisht qëllimit”.
