Tre shqiptarë kanë rënë në prangat e policisë Britanike pasi janë kapur në një “shtëpi bari”.
Bëhet me dije se në pranga kanë rënë Renald Dema, 21 vjeç, Ali Hoxha, 29 vjeç dhe Juljan Jaku, 29 vjeç.
Kanë qenë qentë nuhatës ta që kanë arritur të lokalizojnë shtëpinë e barit në Leicester. Mediat britanike bëjnë me dije se në banesë është gjetur kanabis që arrin në vlerën e 1.3 milion paund.
“Qentë kanë shkuar në mënyrë të përsëritur në murin e njësisë ngjitur ku më vonë u gjet kanabisi. Kur oficerët ndoqën njësinë, ata gjetën bimë kanabisi të madhësive të ndryshme me një vlerë prej 1.3 milion £” thuhet në njoftimin e policisë.
Shqiptarët kur panë që policia kishte mbërritur në banesën e tyre tentuan të fshiheshin duke u future në një dollap, por që shumë shpejt u gjetën nga autoritetet britanike.
Mësohet se Dema 21 vjeç, pa adresë fikse, u burgos për dy vjet e tre muaj, Hoxha, 29 vjeç, pa adresë fikse, u dënua me dy vjet e nëntë muaj, ndërsa Jaku, 24 vjeç, gjithashtu pa adresë fikse, u dënua me dy vjet e gjysmë burg.
