Rezistenca për qytetin e Chernihivit ka vijuar për gjatë gjithë natës, ku raportohet se ka pasur sulme dhe luftë të ashpër mes rusëve dhe ukrainasve.
BBC raporton se sulmi i artilerisë filloi rreth orës 02:00, duke iu referuar Shërbimit Shtetëror të Emergjencave të Ukrainës. Sipas agjencisë, raketat goditën një ndërtesë ku ndodhet një kopsht fëmijësh, duke shkaktuar një zjarr.
Është goditur gjithashtu një dyqan në një treg qendror, si dhe një pallat banimi pesë-katësh. Nga sulmi me predha është plagosur një grua.
