Abramovich ka nxjerrë në shitje Chelsea-n. Pas vendimit për t’u larguar nga pozicioni i presidentit, ai ka konfirmuar në një komunikatë zyrtare për shtyp vendimin për ta shitur ekipin, duke saktësuar se të ardhurat nga shitja do t’i shkojnë një fondi bamirësie për personat e goditura nga lufta në Ukrainë.
Komunikata e Abramovich
“Doja të sqaroja spekulimet e bëra në ditët e fundit në lidhje me pronësine time të Chelsea-t. Siç kam thënë më parë, kam marrë gjithmonë vendime në interes të klubit. Kështu, në situatën aktuale kam marrë vendimin ta shes Chelsea-n, sepse besoj se është gjëja më e mirë në interes të klubit, tifozëve, vartësve, por edhe sponsorëve dhe partnerëve të klubit.
Statement from Roman Abramovich.
— Chelsea FC (@ChelseaFC) March 2, 2022
“Për mua nuk bëhet fjalë për para, por për një pasion për lojën dhe klubin. Ndër të tjera, kam udhëzuar stafin tim që të krijojë një fondacion bamirës ku do të dhurohen të ardhurat neto nga shitja e klubit. Fondacioni do të jetë për të gjithë viktimat e luftës në Ukrainë. Kjo përfshin edhe mbështetje financiare për nevojat urgjente të viktimave, ashtu si edhe mbështetje afatgjatë për rikuperimin.
“Ju lutem, dijeni se ky ka qenë një vendim jashtëzakonisht i vështirë për t’u marrë dhe më dhemb të ndahem në këtë mënyrë nga Klubi. Megjithatë, mendoj se është në interesin më të mirë të ekipit.
“Shpresoj ta vizitoj për një herë të fundit Stamford Bridge, që t’ju përshëndes të gjithëve personalisht. Ka qenë një privilegj të jem pjesë e Chelsea-t dhe jam krenar për të gjithë sukseset që kemi arritur. Chelsea dhe tifozët do të jenë gjithmonë në zemrën time”.
