Një shpërthim i fuqishëm raportohet të ketë ndodhur pak minuta më parë pranë një stacioni hekurudhor në kryeqytetin e Ukrainës, Kiev.
Lajmi është konfirmuar nga një këshilltar i Ministrisë së Brendshme të Ukrainës. Menjëherë pas raportimit, presidenti i Francës Emmanuel Macron, i cili po mban një deklaratë për mediat tha se forcat ruse po bombardojnë kryeqytetin ukrainas.
Një dëshmitar tha se u dëgjua një shpërthim i madh që bëri që toka të dridhej. Shpërthimi ka ndodhur pak pas votimit të rezolutës së OKB, ku kërkohej që Rusia të ndalte ofensivën dhe të tërhiqte menjëherë trupat e saj nga Ukraina.
Katër vende (Bjellorusia, Koreja e Veriut, Siria dhe Eritrea) votuan kundër rezolutës. Ndërkohë, 141 shtete votuan pro për t’i dhënë fund pushtimit, ndërsa 35 abstenuan.
