Ofensiva ushtarake ruse vazhdon e pandërprerë, me bombardime dhe qytete të rrethuara.
Termocentrali më i madh bërthamor në Evropë, ai i Zaporizhzhës u bë kryeqendra e reagimeve botërore pas një zjarri që ra pranë tij pas sulmeve të pandërprera të ushtrisë ruse që prej mesditës së të enjtes.
Ditën e djeshme në Bjellorusi u zhvillua raundin i dytë të negociatave, ku delegacionet e Moskës dhe Kievit arritën vetëm një marrëveshje të përgjithshme për korridoret humanitare.
Presidenti ukrainas Volodymyr Zelensky i ka bërë thirrje dhe kërkon të flasë me kreun e Kremlinit për t’i dhënë fund luftës, por Vladimir Putin përsërit qëllimet e tij, ku tha se ‘Unë kurrë nuk do të kthehem prapa në deklaratën time se Rusia dhe Ukraina janë një popull”.
Gjatë një telefonate mes presidentit Macron dhe atij rus, Putin, ky i fundit ka deklaruar se duhet të evakuohen të gjithë të huajt pasi ai nuk tërhiqet nga çmilitarizimi i gjithë Ukrainës.
