Autostrada Tiranë Durrës është bllokuar nga të dyja anët nga qytetarët që kanë dalë në protestë kundër rritjes së çmimeve.
Si pasojë janë krijuar radhë të gjata kilometrike.
Policia ka ndërhyrë për të shpërndarë protestën por është përplasur me disa prej qytetarëve.
Gjithashtu, dhjetra qytetarë kanë dalë në protestë edhe në qytetin e Lushnjës kundër rritjes së çmimit të naftës dhe produkteve ushqimore.
Nga pamjet e siguruara shihen se ata kanë bllokuar rotondon e Plugut, duke paralizuar qarkullimin e automjeteve në aksin nacional Lushnjë-Tiranë, pikë kalimi për shumë mjete.
Në ditën e dytë të kësaj proteste nuk kanë munguar as përplasjet mes protestuesve dhe policisë, ku disa prej qytetarëve janë shoqëruar nga uniformat blu.
Përveçse në kryeqytet pasditen e sotme protestat janë duke u zhvilluar në disa qytete të Shqipërisë. Banorët e bashkisë së Devollit, Durrësit, Shkodrës, Sarandës, Fieri, Mirditë që prej orës 17:00 kanë bllokuar disa akse rrugore, ku nuk kanë munguar as konfrontimet me policinë.
