Qytetarët po protestojnë në shumë qytete të vendit, kundër rritjes së çmimeve të produkteve ushqimore dhe karburantit, teksa shihet se reagimi i tyre ka qenë i menjëhershëm.
Ndër protestuesit në kryeqytet ka qenë dhe aktori i humorit Florian Binaj i cili i është bashkuar edhe sot protestës.
Aktori bëri thirrje që protestat të vijojnë, duke shtuar se për 30 vite jemi qeverisur nga të njëjtët njerëz.
“Faleminderit të gjithëve. Sot që flasim ka protesta në çdo qytet. Nafta është mjet jetese, nuk është luks. Ata kanë 30 vite që janë në politikë. Kemi 30 vite që i durojmë. Kur kryeministri i sotshëm ka ardhur në pushtet kam qen 11 vjeç, këtit i mbaron mandate kur të jem 40 vjeç. Ka edhe disa të tjerë që kur ka qenë babai i Bushit në pushtet. Nuk duhet të rreshtim sepse për 30 vite nuk kanë menduar asnjëherë për ne. Duhet të mendojmë ne për njëri-tjetrin”,-tha Binaj.
