Kreu i degës Fier, Agron Kapllanaj tha se dalja e Partisë Demokratike nga kriza do të ishte krijimi i një komisioni, i cili do të drejtonte PD drejt zgjedhjeve.
Ai sqaroi se nëse do të zhvillohen zgjedhjet brenda PD, në këtë garë nuk duhet të marrin pjesë as Berisha dhe as Basha.
“Ne duhet të gjejmë një mekanizëm për t’u bashkuar. Propozimet që ne bëjmë me ju i diskutojmë, por keni parë që nga ana tjetër të thotë dikush këto që po ju kërkojmë ne ju? Jo nuk ka, se kanë frike te flasin kundër Sali Berishës. Vendimi i 9 shtatorit për Sali Berishën nuk mund te ndryshojë.
Zgjidhja: Rruga më e thjeshtë është të hapim garë në PD. Të lëmë datën e zgjedhjeve dhe të hyjmë në zgjedhje. A na bën mirë kjo? Mendoj se jo. A i bashkon demokratët jo, ndoshta do i dëmtojë më shumë, do çahen më shumë. Mund të ngremë një komision me 10 veta, dhe ne bëjmë një veprim për të bashkuar demokratët 5 anëtarë nga PD dhe i lëmë afat foltores të sjellë 5 veta. Natyrisht pa Berishën dhe Bashën”, u shpreh ai gjatë mbledhjes.
