Nis ndëshkimi për qytetarët që thyejnë çmimin e Bordit duke shitur naftë mbi çmimin e lejuar. Kryeministri Rama bën të ditur se janë kapur dy pika karburanti në Tiranë dhe Vlorë me faturime mbi çmimin e caktuar.
Postimi i Ramës:
“Sot janë kapur dy pika karburanti në Tiranë dhe Vlorë me faturime mbi çmimin e caktuar për të gjithë. Subjektet janë gjobitur me maksimumin ligjor. Duke nisur nga java tjetër do të hyjë në fuqi sekuestrimi në vend i çdo pike karburanti që ngre qoftë edhe një qindarkë çmimin e shpallur paraprakisht nga Bordi i Administrimit.
Boll i ngre çmimet papushim kriza e shkaktuar nga lufta në Ukrainë, çdo ngritje për fitim në kurriz të popullit do të ndëshkohet siç e kërkon kjo gjendje lufte në tregjet ndërkombëtare.”
