Futbolli është në një tjetër etapë të rëndësishme të sezonit, me kombëtaret të cilat do të luajnë fatin e tyre për pjesëmarrjen në Kupën e Botës. Ekipet që tashmë e kanë arritur këtë objektiv, do të shfrytëzojnë këtë fazë përgatitore duke seleksionuar lojtarët më të mirë për momentin.
Gazetat më prestigjioze të botës së sportit i kanë kushtuar rëndësi pikërisht ekipeve kombëtare si edhe të ardhmen e disa prej lojtarëve kryesorë.
Gazeta “SPORT” hapet me titullin kushtuar mbrojtësit të Barcelonës i cili sapo është seleksionuar nga Luis Enrique për kombëtaren spanjolle: “Jam në klubin më të mirë në botë”
“Mundo Deportivo” flet për transferimin e mundshëm të Haaland te Barcelona: Mesazh Haaland-it
Prestigjozja “Marca” i kushton vëmendje seleksionimit të parë në Spanjë të portierit David Raya i cili aktualisht luan në Angli me ekipin e Brentford: “Nuk jam i habitur që në Spanjë nuk më njohin kush jam”
E përditshmja spanjolle “AS” citon deklaratën e mbrojtësit të Chelsea-t, Marcos Alonso pas shortit që vendosi londinezët përballë Real Madrid në Champions League: “Madrid-i mbetet gjithmonë i rrezikshëm në Champions”
“L’esportiu” shkruan për ribashkimin e dy shokëve të vjetër të skuadrës së Dortmund, Ousmane Dembele dhe Aubameyang, të cilët kanë qenë lojtarë kyç në ringritjen e Barçës
“L’Equipe” i kushton shkrimin tërheqjes nga sporti i tenisit numrit një të botës për femra, Ashleigh Barty
Gazeta italiane “Tuttosport” vjen me titullin kryesor kushtuar ndeshjes së sotme të Italisë përballë Maqedonisë së Veriut ku ekipi i Mancinit synon pjesëmarrjen në Botërorin e Katarit: “Ju duam kështu”
Corriere dello Sport hapet me titullin: “Bëj Italinë”, duke shtyrë kombëtaren të tregojë Italinë madhështore që triumfoi në kampionatin europian të vitit të kaluar.
