25 vite nga Tragjedia e Otrantos, 81 shqiptarë humbën jetën, familjarët në kërkim të drejtësisë

113 563 lexime

124,178FansaPëlqeje

Sot shënohen 25 vite nga tragjedia e Otrantos. Ngjarja ka ndodhur ne 28 mars 1997, kur anija shqiptare “Katri i Radës”, u përmbyt në Ngushticën e Otrantos nga forcat detare italiane, aty ku humben jetën 81 persona, ndërsa trupat e 23 viktimave nuk u gjeten kurrë.

Në bordin e anijes “Katri i Radës” nisur nga brigjet e Vlorës ishin 142 persona nga të cilët vetëm 61 mundën të mbijetonin. Sot pas 25 vitesh nuk ka ende drejtësi për familjarët dhe të mbijetuarit.

Në këtë 25 vjetor të kësaj tragjedie në Vlorë ka munguar një organizim nga pushteti vendor, ndërsa përkujtimi është bërë nga familjarët të cilët kanë shkuar në varrezat ku prehen viktimat e tragjedisë së Otrantos. Për familjarët e të humburve dhe viktimave në këtë tragjedi, ky 25 vjetor duhej të ishte edhe nje apel i fortë për shtetin dhe pushtetin në përkujtim të atyre qe humbën jetën në mes të detit në kërkim të një jete më të mirë.

Yllka Bala ka humbur motrën dhe nipin.“Neve atë ditë e kujtojmë sikur ka ndodhur sot ngjarja. Unë kam një shqetësim si e prekur e kësaj tragjedie, kam humbur motrën dhe nipin. Më kanë shpëtuar 2 veta. Por jam e keq ardhur për njerëzit këtu e për pushtetin vendor se nuk morën asnjë masë për këtë ditë të shënuar. Bashkia duhet të bënte këtë gjë.  Të afërmit kanë ikur te moli 00 dhe në darkë e morëm vesh që kishin ikur pjesëtarët e familjes dhe nesërmen morëm vesh që ishin mbytur. Kemi 25 vjet dhe s’kemi drejtësi për këtë gjë. Gjyqin e kemi fituar por s’ka kanë kthyer asgjë”, tha ajo. Keqardhje ata shprehën për faktin se sot mungon një organizim përkujtimor por edhe faktin se ende sot janë duke kërkuar drejtësi.

Lexo edhe :  Shqiptarët, të dytët më të refuzuar në kufijtë e BE! Pas nesh renditen moldavët

Anija kishte si destinacion Brindisin, Itali, me qëllim të një jete më të mirë. Pjesa më e madhe e të mbyturve ishin gra dhe fëmijë që gjendeshin në lokalet e brendshme të anijes dhe në pamundësi shpëtimi për shkak të mbytjes së menjëhershme. Eksodi i madh i emigrantëve shqiptarë drejt Italisë kishte kohë që kishte nisur dhe në vitet e trazuara të 1997 largimet me anije ishin të shpeshta drejt vendit fqinj. Për të shmangur hyrjen ilegale të emigrantëve, forcat detare italiane proceduan në mënyrë të menjëhershme për të bllokuar anijen, por gjatë ndërhyrjes anija italiane “Sibilla” u përplas me “Katrin e Radës” duke e mbytur atë.

/abcnews.al

Të fundit

Detajet e rinovimit të Lamine Yamal, talenti spanjoll kërkon të gjuajë penalltitë

Barcelona u kufizua në dhënien e një informacioni më të detajuar në deklaratën që dërgoi në orën 20:21 të...

“Jam shumë i zhgënjyer me të”, Trump i jep dy javë afat Putinit për një plan paqeje

Presidenti i SHBA-së, Donald Trump, i ka vendosur një afat dy-javor Vladimir Putinit, për të arritur një armëpushim në Ukrainë në të kundërt do...

Deputetët rikthehen në Kuvend pas 2 muajsh fushatë! Çfarë nuk u pa nga seanca

Sot u mbajt seanca e parë parlamentare pas zgjedhjeve të 11 majit, ku nuk munguan tonet e larta. Deputetët u rikthyen ne Kuvend pas 2...

Meçe: Parlamenti nuk do gjejë paqe me Berishën, ja kauza e opozitës

Analisti Arben Meçe, në “News Line” në ABC News, komentoi seancën e sotme plenare në Kuvend, ku nuk munguar reagime apo revoltat nga opozita. Ishte ish-kryeministri...

Spoti me të moshuarin, Edona Bilali: S’jeni të përgatitur për këtë lloj humori!

Edona Bilali nuk e fitoi vendin e saj si deputete në sesionin e ardhshëm në zgjedhjet parlamentare. Për gazetarët ajo tha se: “Dua të përgëzoj...

Lajme të tjera

Web TV