Kryetarja e LSI-së Monika Kryemadhi, në foltorën e Kuvendit ka risjellë në vëmendje ngjarjen e 21 Janarit, duke thënë se drejtësia duhet të zbardhë se çfarë ka ndodhur atë ditë.
Gjithashtu Kryemadhi përmendi dhe viktimat e Gërdecit dhe të gjitha viktimat që ka bërë mosgjykimi në shoqërinë shqiptare.
Ajo gjithashtu tha se ishte dakord për të bërë ndryshime në buxhetin e shtetit duke shtuar se për shkak të krizës duhet ndihmuar OSHEE-ja.
Pjesë nga fjala e Kryemadhit
“E nderuar drejtuese e seancës, të nderuar kolegë, të nderuar qytetarë. Po e nis aty ku e latë ju zonja Kumbaro tek drejtësia. Në fakt drejtësi me regji nuk mund të kem më. Sot, arrestohet Alqi Bllako me 8 mars 2022 ka shitur të gjitha bizneset e tij që ka pas në emër. Kur flasim për drejtësi, jo për drejtësi me regji.
Duhet të flasim për një drejtësi të vërtetë. Duhet të flasim dhe për viktimat e 21 janarit, kush i bëri, si i bëri dhe çfarë ndodhi dhe duhet zbardhur 21 janari një herë e përgjithmonë. Duhet të flasim për viktimat e Gërdecit, duhet të flasim për të gjitha viktimat që ka bërë mosgjykimi drejtësisë në shoqërinë shqiptare dhe që ka bërë pis klasën politike. Është shumë kollaj për të gjykuar njëri tjetrin por është shumë e shëmtuar kur kemi një drejtësi me regji”, tha ajo ndër të tjera.
