Boksieri shqiptar, Florian Marku të shtunën mbrëma (20:00) do të zbresë në ring për t’u përballur me Chris Jenkins. Në një intervistë për “SuperSport”, Florian Marku ka folur për këtë takim, teksa është shprehur se mezi po e pret këtë duel dhe se është gati për të marrë fitoren e radhës.
“Është një nga kundërshtarët më të mirë më të cilët jam ndeshur. Ka shumë përvojë me 30 ndeshje të zhvilluar, por unë jam përgatitur shumë dhe mezi po e pres. Duhet një fitore e bindshme, që emri im të respektohet më shumë.”
“Jam 100% i fiksusar në boks. Jam I lumtur si po shkojnë gjërat. Unë e kam shumë qejf Kickboxin, kerrierën time në MMA me shtatë fitore, por kam probleme me dorën, me kapjen, kështu që nuk mendoj se mund të kthehem”
Por, sfida mes të dyve është nxehur shumë më parë se të dy boksierët t’i drejtohen ringut, teksa pasi përfunduan peshimin, Marku nisi t’i fliste kundërshtarit. Këto janë lojëra psikologjike të cilat Marku i bën zakonisht, pasi boksieri shqiptar e di mirë se ndeshja nis që jashtë ringut.
Në këtë rast, Jenkins nuk i duroi fjalët e Markut dhe vendosi ta provokonte duke i “dhuruar” një puthje. Kaq i mjaftoi shqiptarit ta shtynte kundërshtarin dhe e goditi me shuplakë në fytyrë, më pas u desh ndërhyrja e sigurisë të cilët bënë të mundur që shfaqja të shtyhet për ditën e nesërme dhe të mos konsumohej para kohe.
“Puthjet janë për femrat, jo për mua. Nesër do ta shohësh” ishte paralajmërimi i Markut. Atleti shqiptar ka treguar gjakun e tij të nxehtë dhe që me këto gjera mund të ndizet edhe më shumë. Atmosfera është elektrizuar në salle teksa boksieri kundërshtar ka dashur konfrontimin që rojet e sigurise nuk kanë lejuar…
