Deputeti konservator, David Warburton, është vendosur në hetim parlamentar pasi akuzohet për abuzim seksual dhe i është publikuar një foto duke konsumuar kokainë. Mësohet prej gruas së tij, se deputeti është shtruar në një spital psikiatrik, pasi ndodhet në gjendje të rëndë emocionalisht.
Një seri e detajuar imazhesh, regjistrimesh audio dhe mesazhesh dolën mbrëmë që e implikonin atë në ngacmim seksual dhe drogë. Gratë që bënë ankesën, kanë thënë se kishin frikë t’i afroheshin zyrës së deputetit, për shkak të frikës se ai do i ngacmonte.
E përditshmja “The Guardian” ka raportuar se akuzat ndaj 56-vjeçarit, po shqyrtohen nga Skema e Pavarur e Ankesave të Parlamentit (ICGS).
Ndërkaq, fotografia e Ëarburton, ku dyshohet se ai është duke pirë kokainë u publikua nga “Sunday Times”.
Fotografia thuhet se daton nga shkurti dhe pretendohet se është marrë nga shtëpia e një gruaje të cilën deputeti e ka njohur nga kontaktet me politikën.
Warburton është prind i dy fëmijëve, ndërkohë gruaja e përfshirë pretendoi se kishte qenë e dehur dhe tha se u largua në dhomën e saj të gjumit, por ai “e ndoqi dhe iu fut në shtrat nudo”.
Deputeti është kontaktuar nga gazetarët e “The Time” dhe tha se nuk mund të komentojë për momentin.
“Kam sasi të mëdha mbrojtjeje, por fatkeqësisht mënyra se si funksionojnë gjërat do të thotë që nuk del e para. Nuk kam dëgjuar asgjë nga Skema e Pavarur e Ankesave dhe Ankesave. Më vjen keq, nuk mund të komentoj më,” tha ai.
