Dasma madhështore e Brooklyn Beckham dhe partneres së tij miliardere, ç’duhet të dini për ceremoninë

113 563 lexime

124,178FansaPëlqeje

Brooklyn Beckham ka nënshkruar një marrëveshje paramartesore me bashkëshorten e tij të ardhshme miliardere, Nicola Peltz.

Pasuria e çiftit Victoria dhe David Beckham raportohet se kap shifrat e 380 milion paundëve, ndërsa ajo e babait financier të Peltz, është vlerësuar 1.3 miliard paund.

Lajmet vijnë ndërsa çifti përgatitet për ceremoninë dhe festën që do zhvillohet të shtunën në rezidencën e familjes Peltz në Palm Beach. Mësohet se organizimi i martesës së çiftit ka kushtuar rreth 3 milionë paund.

David dhe Victoria kanë mbërritur në Miami së bashku me anëtarët e familjes, përfshirë vajzën Harper dhe mbesën e saj, Libby Adams.

Pavarësisht se vjehrra e saj është dizenjuese dhe ka njohuri mbi modën, 27-vjeçarja zgjodhi stilisten Leslie Fremar për fustanin e dasmës.

Pritet që emra të famshëm si Gordon Ramsay, aktorja Eva Longoria dhe ish-futbollisti Phil Neville të marrin pjesë në ceremoni. Gjithashtu ish anëtaret e grupit të Spice Girls, Melanie Broën dhe Mel B kanë konfirmuar se do të shkojnë.

Kumbari i Brooklyn, Sir Elton John do të mungojë për shkak të riprogramimit të turneut të tij Yelloë Brick Road, por kumbari i tij tjetër, Dave Gardner, do të jetë aty.

Ka pasur gjithashtu raportime se legjenda e futbollit amerikan Tom Brady do të jetë në mesin e të ftuarve, ndoshta me gruan e tij, supermodelen Gisele Bündchen.

Ndërkohë ka spekulime se Duka dhe Dukesha e Sussex mund të marrin pjesë. Vëllezërit e Brooklyn, Romeo dhe Cruz, do të jenë shoqëruesit e dhëndrit, ndërsa Harper do të jetë shoqëruese e nuses.

Gjyshja e Peltz nga nëna do të jetë shoqëruesja e saj e nderit.

Dasma do të bëhet në shtëpinë e plazhit të familjes Peltz, me vlerë 76 milionë paund dhe sipërfaqe 44/000 metra katrorë.

Lexo edhe :  Gjërat që njerëzit me IQ të lartë bëjnë sikur i pëlqejnë, por në fakt i urrejnë

Nelson dhe gruaja e tij Claudia gjithashtu kanë një rezidencë me 27 dhoma gjumi pranë New York.

Brooklyn dhe Miss Peltz u takuan në vitin 2017 dhe u lidhën në 2019-ën.

Teksa njoftoi fejesën e tyre në Instagram në korrik 2020, Brooklyn shkroi: “Dy javë më parë i kërkova shpirtit tim binjak të martohej me mua dhe ajo tha po. Unë jam njeriu më me fat në botë.”

Ndërsa Peltz shkroi: “Mezi pres të kaloj pjesën tjetër të jetës sime pranë teje. Dashuria juaj është dhurata më e çmuar.”

Të fundit

Futbollisti shqiptar jep urimin e zemrës: Do Zoti, mposhtim Serbinë

Një takim simbolik, por me mesazhe të forta, vetëm pak ditë para ndeshjes së shumëpritur Shqipëri – Serbi. Kapiteni...

Shqiptarët të fiksuar pas ChatGPT dhe Temu!/ Dy aplikacionet “pushtojnë” Shqipërinë

Përdoruesit shqiptarë të teknologjisë po përqafojnë gjithnjë e më shumë risitë digjitale. Sipas të dhënave të fundit nga Appfigures për muajin maj, ChatGPT dhe...

“Kosova është gati për NATO!”/ Presidentja Osmani krah ushtrive në “Defender Europe 25”

Presidentja Vjosa Osmani vizitoi ushtritë e angazhuara në stërvitjen e madhe “Defender Europe 25”, ku Kosova jo vetëm që merr pjesë, por është edhe...

“Një grua tjetër ka hyrë në mes”/ Barack Obama dhe Michelle hedhin poshtë zërat

Ish-Presidenti Barack Obama dhe bashkëshortja e tij Michelle Obama, prej kohësh thuhet se kanë një krizë serioze në martesën e tyre. Edhe pse më herët...

Tragjedia e Koçanit, shpërndahen 30 milionë denarë për familjarët e viktimave

Qeveria e Maqedonisë së Veriut ka vendosur të shpërndajë 30 milionë denarë, për viktimat nga zjarri shkatërrues në diskotekën e Koçanit. Sipas mediave vendase, mësohet...

Lajme të tjera

Web TV