Një burrë i martuar me 9 gra thotë se është ‘i pikëlluar dhe i befasuar’ që njëra prej bashkëshorteve i ka kërkuar divorcin pasi i mungon ‘monogamia’. Bëhet fjalë për modelin Arthur O Urso, i cili në rrjetet sociale numëron mbi 50 mijë ndjekës, ku poston foto e video mjaft provokuese me gratë e tij.
Ai është martuar me bashkëshorten e tij të parë, Luana Kazaki. Më pas, u bë kryefjalë e medieve në botë pasi arriti të martohej edhe me tetë gra të tjera.
Tani duket se një nga gratë e tij, Agatha, nuk dëshiron që të jetë më partnerja e Arthur. Sipas këtij të fundit, ajo ka vendosur që të ndahet pasi “i do të gjitha për vete”.
“Ajo donte të më kishte të gjithin për vete. Nuk kishte kuptim. Isha shumë i trishtuar për ndarjen dhe akoma më shumë i habitur nga justifikimi i saj. Ajo tha se i mungonte një lidhje monogame. Gratë e mia të tjera menduan se qëndrimi i saj ishte i gabuar dhe se ajo e pranoi martesën për aventura dhe jo për ndjenja të vërteta. E di që kam humbur një grua, por nuk do ta zëvendësoj për momentin”, tha O Urso.
Ndonëse në planet e tij nuk është njohja me vajza të tjera, shpreson që të martohet edhe me dy gra për të rritur numrin e partnereve.
