Kuvendi Kombëtar i thirrur nga Komisioni i Rithemelimit do të zgjedhë nesër Këshillin e ri Kombëtar të PD-së.
Drejtoresha e Komunikimit të Komisionit të Rithemelimit, Floriana Garo tha se deputetët dhe kryetarët e rinj të degëve do të jenë anëtarë të Këshillit Kombëtar për shkak të posteve që kanë.
Por ajo që ra më shumë në sy në këtë listë, ishte edhe emri i Bleona Qeretit.
Menjëherë lajmi u shpërnda në të gjithë vendin dhe pas zhurmës mediatike ka vendosur të reagojë vetë artistja e njohur.
Përmes një reagimi në Instagram, ajo i mohon këto zëra dhe thotë se do të kishte një angazhim në qeveri vetëm në SHBA, pasi ajo e konsideron veten shtetase amerikane.
Reagimi i plotë:
“Pavarësisht se kam lindur në Shqipëri, unë jam shtetase amerikane! Unë e dua Shqipërinë, por besnikëria ime qëndron ndaj SHBA-së, vendit tim! Nëse do të punoja ndonjëherë për një qeveri, do të punoja vetëm për qeverinë e Shteteve të Bashkuara të Amerikës”, shkruan Bleona.
