OBSH paralajmëron për “epideminë” e obezitetit në Evropë

113 563 lexime

124,178FansaPëlqeje

Organizata Botërore e Shëndetësisë tha se “epidemia” e mbipeshës dhe obezitetit shkakton mi 1.2 milion vdekje në vit në të gjithë Evropën. Në raportin e publikuar të martën, OBSH-ja tha se normat e obezitetit në rajon janë rritur për 138 për qind në pesë dekadat e fundit.

Gati një e katërta e të rriturve tani janë obezë në Evropë – më shumë se në çdo rajon tjetër, përveç Amerikës, tha OBSH-ja.

“Përqindjet e mbipeshës dhe obezitetit kanë arritur përmasa epidemike në të gjithë rajonin dhe janë duke u përshkallëzuar”, tha Zyra në Evropë e OBSH-së.

“Rritja e indeksit të masës trupore është faktor kryesor rreziku për sëmundjet jo të transmetueshme, përfshirë kancerin dhe sëmundjet kardiovaskulare”, citohet në raport drejtori rajonal i OBSH-së, Hans Kluge.

Obeziteti shkakton së paku 13 lloje të ndryshme të kancerit dhe ka të ngjarë të jetë përgjegjës për së paku 200,000 raste të reja të kancerit në vit, thuhet në raport.

“Kjo shifër do të rritet edhe më në vitet e ardhshme”, paralajmëroi OBSH-ja.

Mbipesha dhe obeziteti vlerësohet se shkaktojnë më shumë se 1.2 milion vdekje në vit, duke përbërë më shumë se 13 për qind të vdekjeve në rajon, thuhet në raportin e OBSH-së.

Organizata bëri thirrje për ndryshimin e politikave, për të parandaluar obezitetin dhe për të promovuar stile të shëndetshme të jetesës. Si shembuj, ajo përmendi taksimin e pijeve me sheqer dhe subvencionimin e ushqimeve të shëndetshme. /REL/

Të fundit

Banorët e Jalës kundërshtojnë policinë, refuzojnë ndërhyrjen e IKMT

Banorët e zonës bregdetare të Jalës kanë kundërshtuar sot ndërhyrjen e forcave të IKMT-së dhe Policisë së Shtetit, të...

Ukrainasit rrëzojnë avionin spiun të Putinit në tokën ruse

Lufta mes Ukrainës dhe Rusisë nuk po zhvillohet vetëm në frontin tokësor, por edhe në hapësirën ajrore, ku të dyja palët po synojnë objektiva...

Alesia Balliu: Berisha të japë dorëheqjen! Do garoj për kryetare e PD

Sali Berisha duhet të dorëhiqet nga Partia Demokratike pas humbjes së zgjedhjeve, duke respektuar statutin e partisë dhe bashkë me të edhe Flamur Noka...

Vetëplagosje me armë gjahu në Shkodër, përfundon në spital 57-vjeçari

Një 57-vjeçar është vetëplagosur aksidentalisht me një armë gjahu të cilën e kishte me leje. Ngjarja ka ndodhur në njësinë administrative Postribë në Shkodër....

Tedi Blushi: Edhe 600 vite të hetojë SPAK kurrë s’do gjejë një shkelje

Sekretari i Përgjithshëm i Partisë së Lirisë, Tedi Blushi, ka reaguar pas vendimit për zgjatjen e afatit të hetimeve ndaj Ilir Metës, duke e...

Lajme të tjera

Web TV