Anëtarja e Këshillit Kombëtar të PD Endira Bushati dhe analisti Nebil Çika kanë ngritur tonet mbrëmjen e së martës në emisionin Dekalog të gazetarit Roland Qafoku në RTSH 24.
Debati i ashpër u zhvillua pasi sipas Bushatit në kohën kur ajo ishte kryetare e AMA-s Nebil Çika i ka kërkuar punë, gjë që ky i fundit e ka mohuar kategorikisht.
Pjesë nga debati në studio:
-Akti më i madh që ka bërë kjo zonja këtu është gjoba prej 1 mln eurosh për Shijak TV. Ishte i vetmi televizion militant i PD.
-Prit se po e kthen personale. E para të kesh turp se ke ardhur në zyrën time më ke kërkuar punë.
-Unë të kam kërkuar punë?
-Nuk është e vërtetë kjo?
-Turp të kesh!
-Ti ke ardhur në zyrën e AMA-s dhe ke kërkuar punë. Se të ka ngelur hatri pse s’të kam gjetur ty punë kjo është tjetër punë.
-Unë nuk kam kërkuar dhe nuk kam bërë asnjëherë punë në shtet.
-Ti nuk ke qenë në zyrën time, ti nuk ke qenë në zyrën time? Qenke i pafytyrë! Ti ke qenë në zyrën time dhe më ke kërkuar punë!
