Pas aksidentit të rëndë që shkaktoi në Tiranë, duke përplasur çiftin që po kalonte në vizat e bardha bashkë me foshnjën tremuajshe , bëhet me dije se është kapur nga policia shoferi Ajas Sulejmani.
39-vjeçari duke drejtuar mjetin “G Class” me shpejtësi të madhe, ka kaluar me semafor të kuq dhe ka përplasur fëmijën dhe çiftin mesditën e sotme .
Për fat të mirë, gjendja e foshnjës është e mirë, ndërsa dy të rriturit janë dërguar në spital, në gjendje stabël për jetën. Pas ngjarjes, Ajas Sulejmani është arratisur, duke shfrytëzuar blloqet e pallateve në zonë.
