Zyrtarët amerikanë janë përpjekur të zbërthejnë sjelljen e Presidentit rus, Vladimir Putin, gjatë Paradës së Ditës së Fitores.
Ata thonë njëzëri se kanë gjetur një lider të nënshtruar dhe ë heshtur në fjalimin e mbajtur.
Zyrtarët brenda administratës së Bidenit kanë menduar mënyrat se si Putini mund të largohej nga lufta e tij e paprovokuar nëse ai vendos ta bëjë këtë, pasi konflikti vazhdon dhe lideri rus humbet shansin e tij për një triumf të shpejtë.
Zyrtarët amerikanë ende besojnë se Putini dëshiron një fitore të prekshme në Ukrainë. Por ata nuk e dinë se çfarë mase mund të jetë e mjaftueshme që Putini të shpallë fitoren, tha një zyrtar për CNN, i cili tha se qëllimet e tij nuk janë lehtësisht të dukshme.
Vështirësia në vlerësimin e synimeve të Putinit u nënvizua nga komentet e presidentit Joe Biden në një mbledhje fondesh të hënën mbrëma, ku ai tha se ishte i shqetësuar se lideri rus nuk ka gjetur ende një rrugëdalje nga lufta e vazhdueshme në Ukrainë, pavarësisht natyrës “llogaritëse” të Putinit.
Drejtori i CIA-s Bill Burns ndau gjithashtu shqetësimet e tij gjatë fundjavës, duke e përshkruar Putinin “në një kornizë mendore në të cilën ai nuk beson se mund të përballojë të humbasë”.
“Unë mendoj se ai është i bindur tani se dyfishimi i ende do t’i mundësojë atij të bëjë përparim,” tha Burns.
Putini deri më tani nuk ka arritur të arrijë asnjë nga objektivat e tij kryesore të luftës në Ukrainë. Pasi fillimisht besoi se forcat e tij mund të merrnin Kievin dhe të shpërbënin qeverinë e Presidentit Volodymyr Zelensky brenda disa ditësh, por si duket, kjo gjë nuk u arrit.
