Kim Jong-un ka urdhëruar të prekurit koreano-veriorë nga Covid që të bëjnë gargarë me ujë të kripur për të shëruar virusin, shkruajnë mediat shtetërore.
Javën e kaluar u bë i ditur një shpërthim i Covid, dhe ekspertët paralajmëruan se mund të shkatërrojë një vend me furnizime të kufizuara mjekësore dhe pa program vaksinash.
Më shumë se një milion njerëz janë të sëmurë nga ajo që Pheniani po i referohet si ‘ethet’, thanë mediat shtetërore, pavarësisht se udhëheqësi Kim urdhëroi bllokime mbarëkombëtare në një përpjekje për të ngadalësuar përhapjen e sëmundjes.
Ilaçet e blera nga shteti nuk po arrinin te njerëzit shpejt apo saktë, tha Kim në një takim urgjent të Byrosë Politike të dielën, përpara se të vizitonte farmacitë pranë lumit Taedong të kryeqytetit, tha agjencia shtetërore e lajmeve KCNA.
Dështimi për të shpërndarë siç duhet ilaçin ishte ‘për shkak se zyrtarët e kabinetit dhe sektori i shëndetit publik përgjegjës për furnizimin nuk i kanë përveshur mëngët, duke mos njohur siç duhet krizën aktuale’, tha Kim sipas KCNA.
Kim urdhëroi vendosjen e menjëhershme të ‘forcave të fuqishme’ të trupit mjekësor të ushtrisë për të ‘stabilizuar furnizimin me ilaçe në qytetin e Phenianit teksa urdhëroi qytetarët të trajtojnë Covidin me gargarë me ujë e kripë’.
