Ibsen Elezi ka votuar në zgjedhjet që po zhvillohen për kreun e ri të PD-së, ku ai garon përballë Sali Berishës.
Elezi është shprehur se ka përfaqësues në qendrat e votimit, teksa tha se deri tani procesi ka ecur mirë. Ndër të tjera ai është shprehur se nëse rezulton se ka parregullsi në procesin e votimit nuk do ta tolerojë.
“Kam vëzhgues, anëtarët në komisioner janë refuzuar që në fillim të procesit. Ka qenë një situatë e tensionuar dhe vëzhguesit kanë pasur dilemat e veta. Dhe unë kam qenë tolerues që në momentin që nuk e kanë pasur vullnetin. Drita e së ardhmes nuk është as doktori, as unë, por demokracia në këtë vend. Jemi në një sistem ku duhet të vendosim për ide, jo për individë.
Jam fokusuar shumë te procesi dhe ndaj kam pranuar të jem në këtë garë. Kam luftuar shumë për proceset. Pas shpalljes së vendimit do ta njoh rezultatin. Kam toleruar shkelje të vogla, por nëse verifikohet se komisionerët nuk do jenë korrekt nuk do ta toleroj”, tha Elezi.
