Gazeta e njohur italiane ‘Corriere dello Sport’ sot është ”instaluar” në Tiranë për të gjithë tifozët italianë. Ja çfarë shkruhet në artikullin e kësaj gazete:
“Corriere dello Sport- me tifozët e Romës. Një iniciativë e veçantë e gazetës sonë për të ndjekur mbështetësit e shumtë të Giallorossi-t që do të jenë sot në Tiranë për të qenë pranë skuadrës së Mourinhos në finalen e Konferencës së Ligës me Feyenoord: sot do të mund të gjejmë Corriere dello Sport-Stadio edhe në Shqipëri. Është një ditë e veçantë, unike, e paharrueshme dhe duam ta jetojmë pranë jush. Gazetën e sollëm sot në Tiranë në stendat e gazetave përmes bashkëpunimit me Panorama Sport, gazetën sportive të vendit. Në specialen tonë edhe editoriali i regjisorit Jetmir Halilaj, i cili tregon emocionin e madh të Tiranës, sot kryeqyteti europian i futbollit, një qytet krenar që mirëpret një ngjarje kaq të rëndësishme ndërkombëtare. Ne jemi me ju edhe në Tiranë.”
