Pas më shumë se një viti përplasjesh, presidenti Ilir Meta dhe ambasadorja amerikane në Tiranë, Yuri Kim, shtrënguan duart në një takim ku diskutohej për trafiqet. Gjithçka dukej si kortezi, por e shkuara, e tashmja dhe e ardhmja e Metës me përfaqësuesit amerikanë në Tiranë duket se nuk do të ketë edhe aq paqe. Shtrëngimin e duarve Meta e quajti normalitet, duke tentuar të zhbëjë situatat e forta që zhvilluar në mars-prill 2021.
Trafiku i qënieve njerëzore është shumë i rëndësishëm për shoqërinë shqiptare, por ky takim i organizuar në kuadrin e temës “Forumin e Lirisë Ballkanike”, pati edhe një moment të fortë politik: Shtërngimin e duarve të Presidentit në ikje Ilir Meta dhe ambasadores së Shteteve të Bashkuara të Amerikës, të cilës edhe pak muaj i ka mbetuar në detyrë. Konflikti u agravua një vit më parë pR zgjedhjeve të përgjithshme. Me tone të shpra të dyja palët hapën një konflikt të paprecedent. Një pjesë të deklaratave të Metës kundrejt Ambasadores amerikane i përdorën si “motiv” për të shkarkuar Metën, por gjykata Kushtetuese i rrëzoi këto pretendime. Dje Meta u pa qartazi që bëri disa hapa para për të takuar ambasadoren amerikane, që me dioplomaci qëndroi në pritje, duke mos e hedhur hapin para, por as bërë pas… Meta u pyet se kush e bëri hapin e parë për përmirësimin e kësaj marrëdhënieve me ambasadoren e SHBA, megjithatë presidenti u përgjigj me diplomaci. “Nuk shikoj asnjë problem në këtë drejtim përveç forcimit të mëtejshëm, bashkëpunimit të mëtejshëm jo vetëm kundër trafikut të qenieve njerëzore, që është një problem tepër serioz dhe që vendi ynë e përjeton shumë për shkak të rritjes së numrit të qytetarëve tanë që largohen dhe për fat të keq dhe të fëmijëve të pashoqëruar nga prindërit të cilët bien shpesh pre e trafikantëve ndërkombëtarë që është një pasojë e madhe jo vetëm për shoqërinë tonë, sepse jo vetëm shkatërron të rinj, fëmijë, familje të ardhshme, por edhe shteron shumë prej energjive të mira të këtij vendi për zhvillim. Lufta kundër trafiqeve duhet të jetë një prioritet për të gjithë ne këtu, për qeverinë, opozitën, parlamentin, e cila duhet të rrisë rolin kontrollues, padyshim në bashkëpunim me partnerët ndërkombëtar”, tha Presidenti Meta gjatë një komunikimi me median. Ai tha se trafikimi është një krim ndërkombër. “Trafikimi është një krim ndërkombëtar, ku trafikantë nga vend të ndryshme organizohen në mënyrë perfektë dhe ata nuk mund të ballafaqohen ndryshe veçse me një bashkëpunim më të fortë ndërmjet organizatave, duke mbështetur shoqërinë civile”, deklaroi Presidenti Meta.
Çështja e Presidentit
Ndërkohë sa i përket procesit për zgjedhjen e pasuesit të tij, Meta tha se parlamenti duhet të vazhdojë të bëjë punën e tij me përgjegjësi dhe ai vetë me përkushtim deri më 24 korrik. “Besoj se parlamenti i di detyrimet e tij dhe do ta përmbushë me përgjegjësi maksimale brenda kohës së duhur këtë detyrim kushtetues. Mos i ul tre vota, me 87, megjithatë nuk është e rëndësishme, besoj se dhe parlamenti do vazhdojë të bëjë punën e tij me përgjegjësi dhe unë me përkushtim deri më 24 korrik”, tha Meta.
Miratohet rezoluta,Meta i shqetësuar për situatën
Kreu i shtetit Ilir Meta, gjatë një deklarate bërë dje në “Forumin e Lirisë Ballkanike”, ku është miratuar rezoluta “Për intensifikimin e përpjekjeve në luftën kundër trafikimit njerëzor dhe sigurimit të një mbrojtje efektive për viktimat e trafikimit”, deklaroi ndër të tjera se është një sfidë e madhe në nivel global lufta ndaj këtij fenomeni. Presidenti i vendit tha se janë ende 100 mijë persona që trafikohen në Ballkan dhe nga Ballkani, ndërsa 17% e viktimave në BE janë nga vendet tona të rajonit. Kreu i Shtetit theksoi se trafikimi i qenieve njerëzore është një problem real për Ballkanin dhe sipas tij të gjitha qeveritë dhe partnerët duhet të angazhohen për të realizuar një plan më afatgjatë dhe të qartë për të luftuar organizatat kriminale në këtë drejtim. “Kemi të bëjmë me një fenomen tepër shqetësues në vendet tona, që synojnë të bëhen anëtare të BE, ku të drejtat e njeriut janë mjaftë të rëndësishme dhe ku dinjiteti i çdo qytetari duhet të vlejë mbi çdo gjë tjetër. Dua të theksoj se kjo është beteje shume e vështirë. Është e qartë se kemi të bëjmë me një sfidë të nivelit botëror. Është një sfidë sepse është një biznes me 150 miliardë dollarë fitim nga trafikimi, që tregon një organizim të jashtëzakonshëm dhe që padyshim nuk mjafton të përballet vetëm me angazhim të sinqertë dhen deklarata politike apo rezoluta”, tha Meta. Presidenti theksoi se në këtë drejtim kemi shumë për të bërë. “Fakti që vendet e rajonit tonë janë ende problem për BE dhe Britaninë e Madhe. Fakti që gjithashtu jemi duke dalë nga kufizimet e pandemisë, do të thotë se rreziku i rritjes së viktimave është ende i madh nëse nuk do të ketë një ndërhyrje energjike nga të gjitha vendet në nivel rajonal, evropian dhe botëror. Ende 100 mijë persona vijojnë të trafikohen nga Ballkani. Ne jemi të gjithë vende që duam të bëhemi anëtar të BE, ndaj është për të ardhur keq sepse duhet të adresojmë këto çështje që lidhen me problemet sociale ekonomike që krijojnë këtë vulnerabilet për fat të keq për vajza e gra dhe të rinj që bien pre e këtij rrjeti kriminal ndërkombëtar dhe vendas. Ndëshkueshmëria është ende në nivele minimale, dekurajues. I Dimë edhe vështirësitë që kemi edhe për shkak të Reformës në drejtësi për shkak të numrit të prokurorëve dhe gjyqtarëve”, deklaroi Meta.
