Një person i armatosur hap zjarr në një spital në SHBA, humbin jetën katër persona!

113 563 lexime

124,178FansaPëlqeje

Katër persona janë vrarë në të shtënat në një spital në Tusla, Oklahoma, tha policia amerikane.

Zyrtarët konfirmuan se sulmuesi i dyshuar, që kishte qenë i armatosur me një pistoletë dhe një pushkë, po ashtu ka vdekur.

Policia arriti në vendngjarje pasditen e së mërkurës në spitalin Saint Francis, tre minuta pas nijes së të shtënave.

Po ashtu, disa persona janë plagosur nga të shtënat.

Shefi i policisë, Eric Dalgleish tha se “kemi katër civilë të vdekur dhe një sulmues të vdekur”.

Ai tha se sulmuesi, i cili ende nuk është identifikuar, besohet se ka bërë vetëvrasje.
I dyshuari “kishte një armë të gjatë dhe një pistoletë”, tha ai.

Ende nuk ka informacione për motivin e mundshëm të këtij sulmi.

Dalgleish tha se policia mori një telefonatë për sulmues aktiv në orën 16:52 sipas orës lokale dhe arriti në vendngjarje brenda tre minutash.

“Zyrtarët që arritën në vendngjarje dëgjuan të shtëna në ndërtesë, që i çoi ata në katin e dytë të ndërtesës”, tha ai.

Autoritetet thanë se po intervistojnë dëshmitarët që gjendeshin brenda spitalit, përfshirë edhe ata në katin e dytë, ku ndodhi sulmi.

Kapitali Richard Meulenberg tha për ABC News se kur policia arriti në vendin e ngjarjes “disa persona ishin qëlluar me armë zjarri” dhe disa veçse kishin vdekur.

Ai tha se ishte një skenë “katastrofike”.

Shtëpia e Bardhë njoftoi se presidenti amerikan, Joe BIden, është informuar për të shtënat në Tusla.

Shtetet e Bashkuara së fundmi janë përballur me të shtëna vdekjeprurëse, që kanë shtuar thirrjet nga Shtëpia e Bardhë për kontroll më të ashpër të armëve.

Nga të shtënat masive në një shkollë fillore në Uvalde të Teksasit, një sulmues vrau 21 persona, përfshirë 19 fëmijë. Ndërkaq, në një sulm tjetër në një dyqan ushqimor në Bufallo të Nju Jorkut u vranë dhjetë afrikano-amerikanë. /REL

Të fundit

Fier, Rama kërkon dorëheqjen e drejtorëve të bashkisë

Burime nga mbledhja që u zhvillua në bashkinë e Fierit bëjnë me dije se kryeministri Edi Rama i ka...

Bergamo, burri vdes pasi u thith nga motori i avionit

Trafiku ajror në aeroportin e Bergamos, Orio al Serio u pezullua për disa orë për shkak të vdekjes së një personi në pistë. Mediat italiane...

Me pistoletë në “Range Rover”, i riu përfundon pas hekurave në Ksamil

Një 31-vjeçar nga Kosova ka përfunduar në prangat e efektivëve të policisë së Sarandë, pasi lëvizte me një armë zjarri në makinë. I riu u...

BE-ja i jep aprovimin Bullgarisë për anëtarësim në Eurozonë

Ministrat e Financave të Bashkimit Evropian i kanë miratuar hapat përfundimtarë që Bullgaria të bëhet anëtarja e 21-të e Eurozonës prej janarit të vitit...

Dështoi në Bundesligë, ylli i Portugalisë pranon shitjen për hir të… Botërorit

Bayern ka vendosur ta shesë mesfushorin Palhinha. Portugezi ka dështuar në sezonin e tij të parë në Mynih dhe bavarezët nuk kanë durim për...

Lajme të tjera

Web TV