Që nga pushtimi rus i Ukrainës, ish-presidenti dhe ish-kryeministri Dmitry Medvedev ka thënë shpesh fjalë të ashpra dhe pa dallim për vendet perëndimore.
Të martën në mëngjes në Telegram, ish-presidenti i Rusisë vendosi të shpjegojë sjelljen e tij ku ai shpjegoi se ai nuk e pëlqen Perëndimin, sepse ata janë një kërcënim për Rusinë dhe rusët.
“Shpesh më pyesin pse postoj statuse kaq të prera në Telegram kundër Perëndimit. Përgjigja është se i urrej perëndimorët, janë bastardë të degjeneruar. Duan vdekjen tonë, të Rusisë. Deri sa të vdes, do të bëj gjithçka për t’i zhdukur”, ka shkruar Medvedev.
Dmitry Medvedev ka qenë aktiv në Telegram që nga fillimi i luftës në Ukrainë, ai krijoi një llogari në Telegram në mes të marsit 2022 pasi filloi agresioni rus kundër Ukrainës. Ai u bë një nga përdoruesit më aktivë të faqes pothuajse menjëherë. Që nga fillimi i pushtimit rus të Ukrainës, nënkryetari i Këshillit të Sigurimit rus ka theksuar se Moska do të luftojë për një rend botëror që i përshtatet Federatës Ruse.
“Rusofobia e furishme e Perëndimit, me sa duket, nuk do të arrijë kurrë kufijtë e saj” shkroi ai në postimin e tij të parë në Telegram.
Në një nga postime e mëvonshme, ai e krahasoi kancelarin gjerman Olaf Scholz-in me diktatorin Adolf Hitlerin.
“Kjo më kujton se në fund të viteve 1930 ishte dikush që debatonte me të njëjtën gjuhë dhe me të njëjtin zjarr. Ne e dimë se si përfundoi”, ka shkruar ish-presidenti i Rusisë, duke përshkruar vizionin e aleancës polako-prusiane.
