Aleksandër Sadikaj është i riu i cili disa ditë më parë ka mbetur i vdekur pas një atentati me eksploziv. Ai po lëvizte nga Tirana në drejtim të Elbasanit, në momentin kur shpërtheu nga 500 gr C4.Shpërthimi ishte aq i fuqishëm saqë i shkaktoi vdekjen në spital, kjo për shkak edhe të vonesës së ambulancës e cila bëri që Sadikaj të shkonte te Trauma me makinë private.
Nuk dihet ende kush ja mori jetë Aleksandrit, por mediat kanë bërë me dije se pronar i një resorti me pistë hipizmi, i njohur si “Sancho Farm Albania” në Memaliaj, vendi i origjinës së nënës. 27-vjeçari ishte mik i shumë VIP-ave në Shqipëri dhe mësohet se ka qenë i proceduar më herët për një tentativë për vrasje. Për këtë ka folur motra e të ndjerit, Vanesa Sadikaj. Ajo thotë se Aleksandri nuk kishte konflikt me askënd dhe se mediat po shkruajnë të pavërteta.
Vanesa Sadikaj:
Mediat po shkruajnë shumë të pavërteta. Jetonte me qira prej 4 vitesh. Vellai nuk kishte konflikt me asnjëri. Ai ecte lirisht, makinën e tij e përdornim të gjithë. Kemi bërë një jetë të qetë dhe normale. Shkonim shpesh dhe qëndronim te lokali i tij në Tiranë.
