Të mbushësh 40 vjeç është një moment historik në jetën e çdokujt. Por për Princin Uilliam është gjithashtu një kohë llogarish.
Ai personalisht është në një udhëtim të paepur për t’u bërë mbret i Britanisë së Madhe, një perspektivë që dikur e trembte atë. Megjithatë, Uilliam është më në paqe me veten se kurrë më parë, siç treguan skenat e lumtura familjare në festimet e Jubileut të Platiniumtë.
Martesa e tij me Kate është e fortë dhe atësia i ka dhënë atij kënaqësi përtej ëndrrave të tij. Edhe marrëdhënia e tij famëkeqe si “në gjemba” me babain e tij, Princin Charles, është më harmonike se sa ka qenë që nga adoleshenca e hershme.
Shqetësimi më i madh është thyerja e raportit me vëllain e tij, Princin Harry, pasi siç kanë rrëfyer miqtë e tyre marrëdhëniet janë ende në “pikën e fundit”.
“Ai ka një laternim mes pikëllimit për atë që ka humbur dhe ndjesisë së vërtetë të zemërimit për atë që ka bërë vëllai i tij”, tha një prej miqve të tyre.
Më tej ai shtoi: “Ai e do vërtet Harry-n dhe ndjen se ka humbur të vetmin person, përveç gruas së tij, që e ka kuptuar këtë jetë të çuditshme të tyre. Por ai beson se ka gjëra që thjesht nuk duhen bërë dhe Harry e ka kaluar 100% këtë kufi”.
Zbulimet nga mediat britanike vijnë teksa Harry përpiqet t’i largojë problemet e tij duke luajtur polo në Santa Barbara, ndërsa gruaja Meghan e vështronte me admirim.
Daily Mail, pak përpara ditëlindjes historike të Princit Uilliam të martën ka marrë dëshmi nga rrethi i tij më i ngushtë, shumë prej tyre në kushte anonimiteti, për të zbuluar se çfarë e ka pikëlluar dhe çfarë e motivon kandidatin potencial për mbret.
Rezultati është ndriçues, inkurajues dhe nganjëherë, qesharak me zë të lartë.
Megjithatë, marrëdhënia e tij e tensionuar me vëllain e tij, në mënyrë të pashmangshme, hyn shumë në lojë.
I pyetur nëse ata mendonin se Uilliam do ta riparonte ndonjëherë lidhjen e tij me Harrin, një mik thotë: “Kjo është një pyetje e vështirë për t’u përgjigjur. E vërteta është se ata duhet të gjejnë përsëri një gjuhë të përbashkët. Por, për ta bërë këtë, të dy duhet të pranojnë fajin dhe është shumë e qartë se njëri prej tyre po refuzon absolutisht ta bëjë këtë”.
Më tej miqtë e përbashkët të princave kanë rrëfyer: “Uilliam është gjithashtu shumë parimor dhe beson se Harry ka kaluar kufirin. Ai hedh akuza pas akuze, duke e ditur se heshtja është alternativa e vetme e familjes, sepse ajo nuk dëshiron të tërhiqet zvarrë në një betejë zhargonesh publike. Ai e sheh se sa i mërzitur ka qenë babai i tij nga e gjithë kjo dhe i dhemb. Uilliam është absolutisht alergjik ndaj dramës, por Harry ka siguruar që hallet familjare të transmetohen në shkallë globale. Shumë ujë ka kaluar nën urë që gjërat të kthehen ndonjëherë në mënyrën si ishin”.
Por duket se Uilliam ka lënë një derë të hapur për vëllanë e tij të vogël, pasi mendon se pavarësisht se Harry është zhytur në një botë “aliene”, ai dëshiron që Harry të jetë i lumtur dhe nëse ai ndalon së baltosuri familjen, atëherë ndoshta do të gjejë një mënyrë për të falur dhe harruar të shkuarën.
