Ditën e djeshme, kryeministrja serbe Ana Brnabiç ka deklaruar se në Kosovë nuk ka ndodhur gjenocid. Ajo u pyet nga gazetarët për viktimat e luftës në Kosovë, por serbja në mënyrë të vazhdueshme mohonte gjithçka duke thënë se numrat e viktimave nuk ekzistojnë dhe krimet nuk kanë ndodhur.
“Në Kosovë dhe Metohi nuk ka ndodhur gjenocid. Nuk ka asnjë dënim apo rast që lidhet me këtë”,-deklaroi ajo ndër të tjera.
Ajo ka deklaruar se gjenocid ka patur ndaj serbëve dhe jo ndaj shqiptarëve të Kosovës.
”Është bërë pastrim etnik në Prishtinë, Gjilan e Gjakovë. U rrënuan kisha e manastire, u vranë 8 serbë. Pa referendum u shpall Pavarësia, krim dhe gjenocid ka patur ndaj serbëve”,-deklaroi ajo ndër të tjera.
