Garda Civile po heton vjedhjen e një sasie të konsiderueshme bizhuterish dhe parash të zotëruara nga futbollisti italian i PSG-së, Marco Verratti. Burime pranë hetimit kanë konfirmuar se grabitja ka ndodhur në shtëpinë ku po qëndron këtë verë në Ibiza.
Shtëpia e sulmuar ndodhet në zonën e Cala Jondal, në komunën e Sant Josep dhe sipas Diario de Ibiza, është pronë që ish-lojtari brazilian dhe presidenti aktual i Real Valladolid, Ronaldo Nazário, ka në Ibiza.
Ndonëse nuk konfirmohet, vlera e bizhuterive dhe parave të vjedhura mund të arrijë në rreth 3 milionë euro.
Në momentin e grabitjes nuk kishte njeri në shtëpi dhe nuk ka asnjë shenjë se dera është hapur me dhunë.
Denoncimi për grabitjen është bërë në Gardën Civile në orët e para të së hënës.
