Një përplasje mes Shqipe Hysenajt dhe Monika Lubonjës ka ndodhur sot përgjatë programit “E Diell’. Gjatë një bashkëbisedimi në studio u diskutua se në ditët e sotme brezi i ri ka më shumë të drejta dhe liri sesa ka pasur në kohën e kominuzmit.
Monika u shpreh se i vjen keq për disa gra që në ditën e sotme refuzojnë të divorcohen nga bashkëshortët e tyre për shkak të moshës dhe shtoi se në ditët e sotme dashuria ka humbur për brezin e ri.
Këto fjalë bënë që Shqipja t’i kundërvihej duke i thënë se ajo është duke rënë në kontradiktë me veten e saj dhe për faktin se ajo nuk ka shijuar lirinë në rininë e saj, po e bën tani. Sipas saj këtë gjë aktorja e ka treguar gjatë qëndrimit në “BBVIP” pasi e ka shijuar më shumë se të gjithë banorët e tjerë.
Pjesë nga debati:
Shqipe: Ti je duke e jetuar brezin tonë dhe duke e shijuar ndërkohë që po thua se atëherë ka qenë më mirë ndërkohë që ti tani po bën qejf dhe po bie në kontradiktë me veten. Nuk i pëlqej njerëzit që bien në kontradiktë me veten.
Ervini: Ti apo vajza jote po e shijoni më mirë lirinë?
Monika: Unë.
Shqipe: Sepse nuk e ke shijuar në kohën tënde Monika dhe ti ke qenë e vetmja që e ka shijuar shumë “Big Brother”- in të themi të vërtetën, e ka shijuar më tepër. Të ka ardhur nga liria që ke pasur me vonë.
Monika: Në raport me vajzën kam pasur një liri në shtëpinë time të paparë. Unë lirinë time e kam shijuar duke shkuar në disko, i kemi shijuar duke shkuar me grupe në plazhe.
