5 viktima janë regjistruar nga sulmi me armë në festimet e 4 korrikut në Illinois, Çikago, SHBA.
Mediat vendase raportojnë po ashtu se të paktën 16 persona raportohet të kenë mbetur të plagosur dhe paniku mbizotëroi në mesin e turmës.
Zjarrfikësit dhe mjekët në vendngjarje raportuan përmes radiove të tyre se rreth nëntë persona ishin qëlluar. Ky numër nuk është konfirmuar zyrtarisht, por disa autoambulanca janë parë duke dërguar viktimat në spital.
Dëshmitarët pretenduan se kishin parë të paktën pesë njerëz të gjakosur të shtrirë në tokë dhe një tjetër nën një batanije, sipas Chicago Sun Times. Sulmi u regjistrua në nisje të paradës për festimet e pavarësisë, ndërsa agresori që hapi zjarr është i paidentifikuar.
Marshuesit raportuan se kishin dëgjuar të paktën 20-25 të shtëna armësh rreth dhjetë minuta pas fillimit të paradës, ndërsa njerëzit filluan të vrapojnë, duke kërkuar siguri.
Disa njerëz që morën pjesë në paradë thanë se panë personin e armatosur në çatinë e një ndërtese, me policinë që nisi një operacion për ta gjetur atë.
My video.. I was at #Highland Park parade.. Terrified people fleeing July 4th parade when shooting started. pic.twitter.com/DSe0NJOuem
— Lynn Sweet (@lynnsweet) July 4, 2022
