Gazetari Blendi Fevziu është shprehur se shumë herë është ndjerë i varfër kur është takuar me politikanë që mbajnë veshur mijëra euro. Në një intervistë për emisionin “Të peskpozuarit”, Fvziu rrëfeu një takim me një politikan të lartë, që ishte veshur me rroba shumë të shtrenjta, të cilat në total kapnin vlerën e 40 mijë eurove. Ai shtoi se shpesh ndihet “varfanjak” para politikanëve të tillë, edhe pse ka pagë të lartë.
Pjesë nga biseda:
Ylli Rakipi: Nuk të duket që politikanët shqiptarë janë bërë njerëzit më të pasur të vendit?
Blendi Fevziu: Më bën përshtypje, e kam menduar shpesh. Mënyra se sa shpenzojnë një pjesë e politikanëve është e habitshme. Mjafton të shkosh te dera e parlamentit, të shohësh makinat me të cilat vijnë politikat, çantat që mbajnë, orët që mbajnë. Una jam një nga njerëzit më të paguar në Shqipëri. Përveç pagës, kam patur të ardhura nga pronat jo të vogla. Shpeshherë më duket vetja varfanjak para politikës. Shihja një ditë një politikan të rëndësishëm, më thirri në kafe. Kishte një xhaketë 4 mijë euro. Këpucë që bëjnë 6 mijë e ca euro. I pashë një kravatë 250 euro dhe ora diku te 15 mijë euro, këto i njoha unë.
Ylli Rakipi: Pra një këlluf i futur brenda 40 mijë eurove…
