Të hënën që lamë pas, reperi i njohur amerikan, DaBaby, ka performuar në një klub nate në Prishtinë.
Pak ditë pas, reperi ka njoftuar se vathi i diamantit të tij është humbur. Sipas tij ky vath kushton 83 mijë dollarë ose 82.3 mijë euro.
Reperi së pari ka bërë një postim në ‘InstaStory, ku tregonte se një natë më herët ka humbur njërin nga dy vathët ku edhe ka treguar vlerën e tyre, e më pas në ‘Twitter’ ka aluduar se mund t’i ketë humbur në Greqi, Paris ose Kosovë, pasi këto janë vendet ku ai ka performuar javën e fundit.
“Dikush në Greqi, Paris ose Kosovë e ka parë vathin tim të diamantit”, ka shkruar DaBaby në një postim në Twitter.
