U ekzek*tua sot, Brilant Martinaj i dyshuar edhe për vr*sjen e ish-policit Reçi në Laç

113 563 lexime

124,178FansaPëlqeje

Atentati i sotëm në mbikalimin e Fushë-Krujës i mori jetën Brilant Martinaj, trupi i pajetë i të cilit së bashku me Besmir Hoxhën u shkrumbuan brenda automjetit me të cilin udhëtonin.

Brilant Martinaj nuk është emër i panjohur për policinë pasi ai rezultonte në kërkim për vrasjen e efektivit të FNSH-ve Xhulio Prela, por edhe një tjetër ish-efektivi të uniformave blu, 60-vjeçarit Xhelal Reçi.

Brilant Martinaj ishte një prej personave të dyshuar për vrasjen që tronditi qytetin e Laçit në orët e para të mëngjesit të 1 nëntorit të vitit të shkuar.

Asokohe, rreth orës 07:23, persona të armatosur i bënë atentat 60-vjeçarit Xhelal Reçi, në afërsi të një banke dhe ish-polici nuk arriti t’i shpëtonte plumbave të marrë.

Në gusht të 2020, djali i Xhelalit, Besniku, ishte ai që i kishte shpëtuar një atentati të mirëorganizuar teksa ishte duke udhëtuar në rrugën Lezhë-Shëngjin bashkë me dy fëmijët e mitur dhe bashkëshorten kur dy persona të armatosur me motor, e ndoqën dhe tentuan ta vrisnin.

Ndërkohë sa i përket vrasjes së babait të tij, policia në Laç mori në pyetje pak kohë pas ngjarjes ish-kolegun polic të tij, shtetasin Faik Martinaj.

Këtij të fundit i ishte plagosur i biri dy vite para vrasjes së Reçit dhe për ngjarjen ishin të dyshuar djemtë e 60-vjeçarit.

“Me të nuk kam pasur konflikte apo probleme. Djali im ndodhet në Kosovë”, ka dëshmuar asokohe Faik Martinaj, pasi kishte konfirmuar se kishte punuar në të njëjtin Komisariat me Reçin.

Vrasja e Xhelal Reçit u filmua nga një kamerë sigurie, por pamjet nuk kanë ndihmuar në identifikimin e autorëve, të cilët mbanin në kokë kapele dhe mbulonin fytyrën me maskë anti-Covid.

Lexo edhe :  Fushata e 11 majit, gratë dhe vajzat shkodrane presin Ramën me këngë qytetare

Sipas gazetares, nga vrasja e ish-policit Xhelal Reçi ka pasur disa vrasje që besohet se kanë qenë lidhje e Brilant Martinaj dhe kushëririt të tij të parë Ervis Martinaj, edhe ky i shpallur në kërkim ndërkombëtar pas dëshmisë së Nuredin Dumanit.

Të fundit

Teleskopi më i madh diellor në botë kap një imazh të Diellit me detaje të mahnitshme

Një imazh i ri i Diellit i marrë nga teleskopi diellor më i madh në botë tregon sipërfaqen e yllit tonë...

Diola Dosti: Ushqimi sot nuk ka më cilësi, baza e pothuajse të gjitha sëmundjeve…

E ftuar nëpërmjet një lidhje telefonike për “Live From Tirana”, ka qenë nutricionistja Diola Dosti. Ajo na ka dhënë këshillat e saj për të...

Deklaroi se është transgjinore, vajza e Robert De Niros rrëfen sfidat gjatë rritjes

Airyn De Niro, vajza e aktorit të famshëm Robert De Niro dhe aktores Toukie Smith, ka dalë publikisht si transgjinore në një intervistë të...

I dënuar përjetë, GJKKO rrëzon kërkesën e Fran Marashit për të dalë nga regjimi ‘41 bis’

Gjykata e Posaçme ka rrëzuar kërkesën e Fran Marashit, i cili kërkoi të dilte nga regjimi i ashpër “41 biss”, ku mbahet i izoluar...

Berisha nga Kongresi i PPE: Ne do të anëtarësojmë Shqipërinë në BE!

Kryetari i PD, Sali Berisha, i pranishëm prej dy ditësh në Kongresin e Partisë Popullore Evropiane (PPE) në Valencia. Gjatë fjalës së tij, Berisha...

Lajme të tjera

Web TV