Mësohet se zjarri ka rënë rreth orës 11:00 të mbrëmjes së kaluar, kur menjëherë janë lajmëruar forcat zjarrfikëse dhe efektivë të Policisë Kurbin, të cilët kanë mbërritur në vendngjarje.
Me ndërhyrjen e zjarrfikësve është bërë e mundur izolimi i zjarrit në disa pjesë të fabrikës së miellit, ndërsa janë shkrumbuar sasi të mëdha mielli, misri dhe nënprodukte.
Sipas pronarit te fabrikës Tonin Loci, shkak i rënies së zjarrit është bërë një shkëndijë elektrike, ndërsa objekti është i pajisur me kamera sigurie, ç’ka mund të ndihmojë grupin hetimor për zbardhjen e plotë të rënies së zjarrit.
Dëmi i shkaktuar sipas pronarit arrin vlerën e 40 milion lekeve./e.t
