Qyteti i Durrësit këtë sezon turistik ka organizuar mjaft koncerte apo aktivitete të ndryshme për kënaqësinë e qytetarëve.
Muaji i kaluar i qershorit ishte i mbushur me muzikë dhe netë live të zhvilluara në lokale apo në qendër të qytetit.
Edhe për këtë muaj Bashkia e Durrësit ka planifikuar një programacion të gjerë muzikor plot evente për banorët. Megjithatë, jo çdo gjë ka shkuar sipas planit ditën e sotme ku ishte lajmëruar për një koncert, i cili do të zhvillohej në sheshin “Liria”.
Sipas qytetarëve të pranishëm, skena muzikore është çmontuar dhe është njoftuar anullimi i koncertit. Kjo gjë ka revoltuar jo pak njerëz, duke bërë që ata të protestojnë për anullimin e koncertit të shumëpritur të mbrëmjes së sotme.
