Ministri i Jashtëm rus, Serghei Lavrov, e quajti statusin e kandidatit në BE për Ukrainën një “lëvizje gjeopolitike kundër Rusisë”, sipas la repubblica.
Kreu i diplomacisë ruse tha gjithashtu se “forcat e armatosura ruse dhe Republika Popullore e vetëshpallur e Donetskut po ia dalin me sukses në detyrat e tyre në operacionin ushtarak special, duke u përpjekur të ndalojnë gjenocidin ndaj rusëve dhe duke eliminuar kërcënimet e drejtpërdrejta të sigurisë sonë”.
Sipas kreut të diplomacisë ruse, Ukraina, Moldavia dhe vendet e tjera janë të destinuara të jenë “pjesë e lojëra të Perëndimit”. Në të njëjtën kohë, vuri në dukje ai, Shtetet e Bashkuara janë udhëheqësit e vërtetë të këtyre nismave.
Lidhur me projektin e europian të propozuar nga presidenti francez Emmanuel Macron, Lavrov tha se nuk do të sjellë “përfitime ekonomike”.
Nga ana tjetër, presidenti ukrainas, Volodymyr Zelensky, tha se Ukraina nuk do të trembet nga deklaratat e zëvendëspresidentit të Këshillit të Sigurimit të Federatës Ruse, Dmitry Medvedev. Sipas tij, Medvedev ka kërcënuar Ukrainën me “ditën e gjykimit” në rast të një sulmi ndaj Krimesë.
“Sot, një tjetër deklaratë jo dhe aq e matur u lëshua nga Rusia. Sigurisht, askush nuk do të pranojë një kërcënim të tillë”, tha ai.
