Blogerja e njohur, Armina Mevlani, është kthyer një personazh shumë të dashur për publikun sidomos pas pjesëmarrjes në emisionin “Goca dhe Gra”.
Ajo shpesh shpreh pikëpamjet e saj dhe mbështetjen për gjininë femërore dhe kështu ka bërë dhe në puntatën e fundit. Ajo ka dhënë një mesazh shumë të rëndësishëm duke inkurajuar të gjithë të shijojnë jetën pavarësisht peshës apo pamjes pas shtatzanisë.
“Kur të më keni mua, unë do ha do e shijoj dhe do ushqej fëmijën se femra është e bukur sido të jetë. Sigurisht duhet të kujdesemi mos të hani gjëra të dëmshme për shëndetin, por 5 kile më shumë apo më pak nuk ka rëndësi fare”, u shpreh Armina.
Mevlani ndodhet në një lidhje pre vitesh tashmë me partnerin e saj Shkëlzen Berishën. Më herët, ajo ka folur edhe për raportin që ka me fëmijët e partnerit të saj. Ajo ka treguar se ka marrëdhënie të mira shoqërore si dhe theksoi se nuk pretendon që të jetë mama për ta, pasi ata e kanë nënën e tyre.
