Një deklaratë e gazetarit Bledi Mane ka bërë dje xhiron e rrjetit dhe ka shkaktuar reagime të shumta.
Gazetari u shpreh publikisht se “pavarësisht se janë pjesë e jona, kosovarët nuk dinë e nuk japin asgjë”. Ai shtoi ndër të tjera se shqiptarët e Kosovës “nuk e përdorin vajin e ullirit”.
“Kosova është pjesë e jona, ne e duam shumë por Kosova nuk të ofron asgjë. Ju nuk përdoni vajin e ullirit, ende jeni te pleskavica dhe lakra”,-ka deklaruar Mane ndër të tjera.
Reagimet mbi këtë deklaratë nga shqiptarët e Kosovës kanë qenë të pafundme dhe kanë ngjallur pakënaqësi te vëllezërit tanë. Kritikat ndaj tij kanë qenë të pafundme, teksa ka patur reagime edhe nga qeveria dhe shumë personazhe publikë.
